Guðný komin með vinnu :)

2.6.2008 | 18:21

Guðný komin með vinnu :)

Loksins bar leitin árangur :) Fékk ekki bara eina vinnu heldur tvær sama daginn!! Það var frekar erfitt að velja á milli en ég endaði á að velja skólann. Sambýlið var samt frábært, fór og sá það og hitti íbúana. En það hefði kannski verið frekar einfalt starf held ég, ekki mikið reynt á mig, íbúarnir voru allir mjög sjálfbjarga. Samt örugglega mjög skemmtilegt starf, en ég hefi kannski ekki lært margt nýtt. Einnig var þetta 40 min. akstur, vinnutíminn var 15-23 sun-föst og launin voru aðeins lægri en skólinn.

En þá er það skólinn - segja ykkkur aðeins frá honum! Þetta er lítill skóla fyrir nemendur með minniháttar fatlanir á aldrinum 5-12 ára. Flestir eru með fulla greind en eiga erfitt kannski félagslega eða hegðunarlega séð. Nokkrir með asperger og á einhverfurófinu. Margir með svokallaða of sterka skynjun, finnst óþæglegt að láta koma við sig. eiga erfitt með há hljóð eða stekra lykt. Það eru bara fjórir bekkir í skólanum og aðeins sex nemundur í hverjum bekk þannig að kennslan er mjög einstaklingsmiðuð. Það eru tveir kennarar í hverjum bekk og ég mun verða aðstoðarkennari. Í skólanum eru líka iðjuþjálfi og talþálfi, þannig að það er mikil teymisvinna á milli allra. Þeir notast aðallega við hugmyndafræðina Floortime, sem ég er orðin mjög spennt á að læra. Einnig nota þeir aðferðir sem ég kann eins og félgshæfnisögur og þau nota mikið myndir, fyrir stundatöflur og fleira. Þannig að ég kann þegar eitthvað en fæ að læra fullt að nýjum hugmyndum, svo get ég vonandi kennt þeim eitthvað sniðugt líka. Skólinn byrjar reyndar ekki fyrr en 4 ágúst, en ég held að hann sé alveg þess virði að bíða eftir. Nemendurnir koma reyndar ekki fyrr en 19 ágúst, þannig að kennararnir eru fá góðan undirbúning, sem er frábært. Einnig eru krakkarnir aldrei í skólanum á föstudögum, þá eru þeir í leikfimi, þannig að kennararnir fá alltaf allan föstudaginn í undirbúning og fundi, sem er snild. Einnig það besta við þessa vinnu er að hún er í labbfæri, sem er alls ekki sjálfsagt hér í Atlanta. Er meira að segja að spá í að kaupa mér hjól og hjóla í vinnuna, þetta eru sirka 2,5 km. þannig að það er passlegur hjólatúr. Kannski er reyndar aðeins og heitt í ágúst, maður vill kannski ekki vera þekktur sem sveitti illalyktandi kennarinn!! Hérna er heimasíðaskólans ef þið viljið sjá meira: www.hirscacademy.org

Annars var helgin okkar þvílíkt frábær, nóg að gera. Á laugardaginn fórum við með fólki úr vinnunni hans Reynis á miðaldar-festival. Þetta er svona hálfgerður farand-miðaldar-sirkus, sem ferðast um bandaríkin til að skemmta þjóðinni. Þarna voru allskyns sölubásar að selja sverð, ölkrúsir, brynjur, föt og hatta. Það var hægt að fara í allskyns leiki eins og kasta tómötum í andlitið á manni, skjóta allskyns dót og fá bangsa í verðlaun og enn fleira. Við sáum riddara á hestum skilmast með sverðum, við klæddum okkur meira að segja upp í föt sem kóngur og drottning og létum taka mynd af okkur, geggjuð mynd :)

Á laugardaginn fórum við síðan á skrímsla-drive in movie- hátið. Var haldin inn á svona drive inn bíói, en byrjaði um 14 um daginn og endaði svo með á að sýna 2 hryllingsmyndir þegar það var komið myrkur. Við fórum með vinafólki okkar um 16. Settum upp tjald, til að sitja í skugga, grilluðum hamborgara og drukkum bjór. Verð að segja að þetta er eitt það mest kanalega sem ég hef gert síðan við komum hingað. En frábær stemming, fullt af fólki klætt sem skrímsli, þetta er sennilega eini dagurinns sem "gothik" fólkið hangir út í sólinni. Þarna voru helling af sölu og leikjabásum og lifandi tónlist á stóru sviði. Ein hljómsveitin hét Van-Heiniken, en það var svona cover band af alvöru Van Heilen, frekar fyndið allt saman.

P.s. fullt af nýjum myndum inn í Atlanta albúminu.

Flokkur: Bloggar | Breytt s.d. kl. 19:11 | Facebook

Athugasemdir

Til hamingju með vinnuna! hljómar mjög spennandi og miklu betra að fá tækifæri til að læra e-ð nýtt. Nú fyrir utan að geta labbað í vinnuna - það er bara lúxus :)

Álfheiður (IP-tala skráð) 2.6.2008 kl. 19:16

Þetta hljómar ekkert smá spennandi starf ! Þú átt eftir að fíla kennarastarfið mín kæra

Annars er maður bara farinn að bíða eftir sumarfríinu. Sit einmitt hérna uppí skóla og er að reyna að klára einkunnablöðin hjá krökkunum, er alls ekki að nenna því - langar miklu frekar að vera á fótboltaleiknum sem er í gangi hér á vellinum hér fyrir utan gluggann á skólastofunni !

En kveðjur til ykkar, verður gaman að fá ykkur heim í sumar