Afslappandi páskahelgi

Við höfðum það reglulega gott um helgina, afslappelsi með fjölskyldunni í góðu verði.

Við lögðum á stað á fimmtudaginn eftir vinnu, keyrðum í 5 tíma og fundum okkur svo módel til að gista nóttina. Fórum af stað á föstudeginum, þegar room-service rak okkur út..... okkur fyrst alltaf jafn gott að sofa. En þá var bara eftir 3 klst. akstur til Florida, aðeins lengra en Orlando. En þar voru foreldrar Reynis með æðislegt sumarhús á leigu.

     

Reyndar fengu við ekki bestu vakningu á laugardagsmorgninum, Siggi kom inn til okkar klukkan hálf níu og sagði okkur að bíllinn okkar væri horfin! Ég byrjaði auðvitað strax að blóta þessu krimmalandi í sand og ösku og fannst verst að myndavélin mín og tom tominnn okakr væru í bílnum.... auðvitað í þetta eina skipti sem maður skilur þetta eftir í bílnum, er bílnum stolið.  En svo fórum við nú aðeins að skoða þetta betur og hugsa hvort eitthvað annað kæmi til greina. Þetta er vöktuð gata, með mikið að sumarhúsum og bílinn okkar var fyrir utan gluggann og skrítið að við höfðum ekki verið var við neitt. Það kom svo í ljós að við máttum ekki leggja á götunni fyrir framan húsið og bílinn okkar hafi verið dregin í burtu og við þyrftum bara að sækja hann og auðvitað borga 110 dollara fyrir. Okkur létti auðvitað mjög mikið, en samt fannst okkur þetta frekar ósanngjarnt því þarna voru engar merkingar um að það mætti ekki leggja þarnar, og þeir skyldu ekki eftir neinn miða eða létu okkur vita eða neitt. Senna um daginn fréttum við svo frá nágranna að það væri bannað að leggja þarna milli 01-07 á morgnana og þeir nýta sér það mjög vel, læðast alltaf þarna um til að pikka upp bíla til að græða peninga!! Margir væru búin að kvarta yfir þessu en ekkert gengi, þeir hljóta auðvitað að græða helling á þessari götu, þar sem alltaf er nýtt og nýtt fólk að koma.

En burt frá þessu var helgin yndisleg. Nutum þess að vera í hitanum, 26 stiga hiti í skugga og rakinn all verulegur, c.a. 45 á daginn og fór upp í 95 á laugardagskvöldið!  Siggi eldaði þvílíkt gott nautakjöt á laugardaginn, með bökuðum kartöflum, maís og öllu tilheyrandi, algjör snild, algjörlega besti maturinn siðan ég kom hingað.

Svo var sjálfur páskadagur aðeins öðruvísi en vanalega, 8 tíma keyrsla og subway í kvöldmatinn!!

Vonandi áttu þið hin öll yndislega páska líka

Yfir og út

 

Athugasemdir

[Kristbjörg Þórisdóttir, 27.3.2008 kl. 15:44]

Gleðilega páska elsku vinir,

vona þið hafið notið þeirra vel.

Knús Kidda.